Arpita Agarwal

TATA TISCON BUNIYAAD Daud-dhoop bhari zindagi… jisme khud ke liye bhi waqt nahi… par aaj ke is mashini (machinee)yug mein kahin na kahin samvedansheel insaan bhi maujood hain. Auron ki taqleef dekhke inki aankhein nam ho jati hain… rongte khade kar dene wali kuchh aisi samasyayein is baat ka ehsaas kara deti hain ki inki ragon mein bhi ek aisa khoon daudta hai jo kaum ke liye kuchh karna chahta hai – kaum janm ki nahi, maanavta ki… Aaj agar hum mein samaaj ko behtar banane ki kaabiliyat aayi hai to use vyarth kyon ganwaayein? Apne kshetra mein vikhyaat aur wo bhi Tata group company hone ke naate Tata Tiscon apni saamajik jimmedari bakhoobi jaanta hai aur ise nit naye roop mein nibhaane ka prayaas bhi karta hai. Isi soch ke tehet Tata Tiscon apne vitarakon (dealers) ke haath se haath milaakar ek nayi shuruaat kar rahe hain – “Buniyaad”… Samaaj ke ek khaas varg ke prati aabhaar vyakt karne ka ek chhota-sa prayaas… alp-suvidhapraapt bachchon ki shiksha, swasth aur swachchh parivaar, bijli aur paani ki kami se hone wali samasyayein, sankraamak rogon se bachne ke upaay, praakritik aapdaaon ke peediton ki sahayata, berojgaari kam karne ki koshish – ye kuchh aisi vidhiyaan hain jinse Tata Tiscon apne vitarakon ke saath milkar us varg ke jeevan-star mein vriddhi la sakte hain… Koi bhi imaarat tabhi mazboot hoti hai jab uski buniyaad mazboot ho… is “buniyaad” ko mazboot karne ke liye chahiye aapka saath… Kartavya-bodh, dal-nishtha (team spirit), ekjut’ta, (togetherness), aatmvishwaas aur dridh-nishchay – sab milaakar hi “Buniyaad” ki safalta ko nishchit kar sakte hain… wo kehte hain na, ki agar khwaab dekhne ke liye sona zaroori hai, to use poora karne ke liye jaagna zaroori hai!